Kurso de Raku / Esencoj / Enkonstruataj funkcioj por presado

say

La enkonstruita rutino say faras la jenajn agojn:

1. Vokas la metodon gist sur siaj argumentoj.
2. Aldonas novlinian karakteron.
3. Konvertas la rezulton al UTF-8.
4. Sendas ĝin al la fluo STDOUT.

El la perspektivo de la uzanto, say simple presas la enhavon de variablo al la terminalo kaj aldonas la novlinion.

La unua paŝo postulas iom da klarigo. La metodo gist estas metodo kiu estas difinita por ĉiu enkonstruita datentipo, kiel ekzemple entjeroj aŭ ĉenoj. Por tiaj simplaj tipoj, la revena rezulto estas homlegebla valoro kiu reprezentas la objekton.

say 42; # 42
say 'Raku'; # Raku

Por pli kompleksaj datumoj, kiel ekzemple vektoroj aŭ asociaj tabeloj, la metodo gist aldonas iom da formatado.

my @data = 'alpha', 'beta', 'gamma';
say @data; # [alpha beta gamma]

my %data = alpha => 1, beta => 2, gamma => 3;
say %data; # {alpha => 1, beta => 2, gamma => 3}

La rutino say povas esti vokita kiel funkcio aŭ metodo:

say 42;
say(42);
42.say;

Vi povas pasi pli ol unu argumenton al say. La eliraj partoj estas kunigitaj sen spacoj inter ili.

say(100, 500); # 100500